नेपालगञ्ज : पूर्वपश्चिम राजमार्ग अन्तर्गत बाँकेको ओभरीमा सडक दुर्घटनामा परी एक जनाको मृत्यु भएको छ । बिहीवार राती करिब १ बजे राप्तीसोनारी ८ ओभरी चेकपोष्ट नजिकै महेन्द्रनगरबाट काठमाण्डौ जाँदै गरेको गाडीले पैदल यात्रीलाई ठक्कर दिएको थियो ।
सुप्र ०२–००१ ख १२४७ नम्बरको गाडीको ठक्करबाट राप्तीसोनारी ८ निवासी ४० वर्षीय केशर कुँवरको मृत्यु भएको हो । ठक्करबाट गम्भीर घाइते भएका कुँवरलाई उपचारका लागि कोहलपुर मेडिकल कलेजमा भर्ना गरिएको र उपचारका क्रममा उनको मृत्यु भएको प्रहरीले जनाएको छ ।
गाडी र चालकलाई नियन्त्रणमा लिइएको इलाका प्रहरी कार्यालय कोहलपुरले जनाएको छ ।
