नेपालगञ्ज : भेरी अस्पताल नेपालगञ्ज र फत्तेवाल आँखा अस्पतालको सेवा आज बन्द भएको छ । आइतवार घटस्थापना भएकाले भेरी अस्पतालको ओपिडी सेवाहरु बन्द भएको अस्पतालले जनाएको छ ।
इमरजेन्सी र इन्डोर लगायतका अन्य सेवाहरु भने यथावत रहेको अस्पतालले जनाएको छ । यस्तै फत्तेवाल आँखा अस्पताल पनि आज बन्द भएको छ ।
अस्पताल बन्द भएपनि सामान्य ओपिडी र सन्ध्याकालीन संस्थागत प्राइभेट आँखा जाँच सेवा भने जारी रहने प्रवन्ध निर्देशक डा.कौशल कुमार वर्माले जानकारी दिए ।
