दाङ : दाङको तुलसीपुरमा खुला कवडी प्रतियोगिता २०८० हुने भएको छ । युथ स्पोर्ट्स एकेडेमी तुलसीपुर दाङको आयोजनामा हुने प्रतियोगिता यहि भदौ १५ गते शुक्रबारदेखि राप्ती किङ प्रशिक्षण केन्द्रको खेल मैदानमा हुनेछ ।
प्रतियोगिताको औपचारिक उदघाटन बिहान ११ बजे हुने आयोजक युथ स्पोर्ट्स एकेडेमी तुलसीपुरका अध्यक्ष सुजन थापामगरले जानकारी दिए । प्रतियोगिताको बिजेता टिमले नगद ३० हजार, ट्रफी, मेडल तथा प्रमाणपत्र हात पार्नेछ ।
त्यस्तै उपबिजेता टिमले नगद २० हजार, ट्रफी, मेडल प्रमाणपत्र र तृतिय स्थान हात पार्ने सेमिफाइनलसम्म पुगेका दुई टिमलाई प्रमाणपत्र, मेडल, कपको ब्यवस्था गरिएको अध्यक्ष थापाले बताए ।
भदौ १७ गतेसम्म सञ्चालन हुने प्रतियोगितामा १२ बढी टिमको सहभागिता रहनेछ । यसैबिच आयोजकले प्रतियोगितामा सहभागी हुने टिमका खेलाडीहरुको उमेर २२ वर्ष मुनिको हुनुपर्ने जनाएको छ ।
