नेपालगञ्ज : दाङमा दुई वटा यात्रुबहाक बस ठोक्किदा एक जनाको मृत्यु भएको छ । दुर्घटनामा २३ जना घाइते भएका छन् ।
शुक्रवार बिहान पौने ७ बजे लमहीबाट भालुवाङतर्फ जाँदै गरेको लु २ ख ७८५ नम्बरको बस र वीरगन्जबाट तुलसीपुर आउँदै गरेको ना ५ ख ४८९८ नम्बरको बस लमही –३ फल्कापुरमा ठोक्किएर दुर्घटना भएको जिल्ला प्रहरी कार्यालय दाङले जानकारी दिएको छ ।
प्रहरीका अनुसार दुर्घटनामा मृत्यु हुनेमा रोल्पा रुन्टीगढी–९ कि २४ वर्षीया शोभा परियार रहेकी छन् । दुर्घटनामा उनका दुई छोरासहित २३ जना घाइते भएको प्रहरीले जनाएको छ। घाइतेमध्ये १२ जनाको अवस्था गम्भीर रहेको बताइएको छ ।
जिल्ला प्रहरी दाङका अनुसार गम्भीर घाइतेहरूमध्ये ७ जनालाई भैरहवा, ३ जनालाई राप्ती स्वास्थ्य विज्ञान प्रतिष्ठान घोराही र २ जनालाई रिफर गरिएको छ ।
अन्य सामान्य घाइतेहरूको लमही अस्पतालमा उपचार भइरहेको जिल्ला प्रहरी कार्यालय दाङले जानकारी दिएको छ ।
