नेपालगञ्ज : बाँकेको कोहलपुरमा एक युवाको नदीमा डुबेर मृत्यु भएको छ । कोहलपुर ईलाका प्रहरी कार्यालयका अनुसार शनिबार बाँके बैजनाथ गाउँपालिका–४ बोरिङ बस्तीका ३६ वर्षीय कमल सहनीको जेठीनाला नदीमा नुहाउने क्रममा डुबेर मृत्यु भएको हो ।
प्रहरीका अनुसार सहनी शनिबार बिहान ९ बजेतिर घरदेखि २०० मिटर दक्षिण पर्ने जेठीनाला नदीमा नुहाउन गएका थिए । उनलाई नदीमा डुब्दै गरेको अवस्थामा छिमेकीले देखेपछि उद्धार गरेर उपचारका लागि मेडिकल कलेज कोहलपुर लगिएको थियो । उनको उपचारका क्रममा मृत्यु भएको प्रहरीले जनाएको छ ।
