राजापुर (बर्दिया ) : बर्दियाको राजापुर नगरपालिका वडान ७ लाल्छिपुर र शंकरपुरको बिचमा रहेको झरनामा बनेको कर्भट मर्मत नहुँदा सो बाटो हिड्ने यात्रीले सास्ती बेहोर्नु परेको छ ।
लुम्बिनी प्रदेश सरकारको आर्थिक बर्ष २०७८÷२०७९ को बार्षिक कार्यक्रम अन्तर्गत बिनियोजन भएको सो आयोजना अझसम्म पनि पुर्ण रुपमा सम्पन्न हुन नसकेको स्थानीय रन्जित भुसालले जानकारी दिए ।
‘अहिलेसम्म पनि यो कल्भर्ट सम्पन्न नहुदा बर्खामा आफुहरुले दुख पाउने र सुबिधा कहिले पाउने हो बर्षातको समयमा पानी धेरै हुने र आवाज जावतमा त्यसबाट धेरै गाह्रो हुने गरेको छ’– भुसालले भने ।
राजापुर नगरपालिका वडान ७ का वडा अध्यक्ष रामु थारुले आफुले सो कल्भटको बारेमा कार्यपालिकामा कुरा राखेको र अबको केही दिनमा सो कल्भटको यताउता लाग्ने माटो पटानी हुने र जनताले त्यसको सुबिधा लिन पाउने बताए ।
