सुर्खेत : कर्णाली प्रदेशसभाको सोमबार बस्ने भनिएको बैठक स्थगित भएको छ । पोखरामा भएको यती एयरको विमान दुर्घटनामा सरकारले सार्वजनिक बिदा दिएसँगै कर्णाली प्रदेश सभा बैठक स्थित भएको हो ।
आइतबार काठमाडौंबाट पोखराको लागि ४ जना चालक दलका सदस्यसहित ६८ जना यात्रु बोकेर उडेको यती एयरको एटिआर ७२ जहाज पोखरा १५ नयाँगाउँस्थित सेती नदीको खोँचमा दुर्घटना भएको थियो ।
उक्त घटनाप्रति शोक व्यक्त गर्दै सोमबार बस्ने भनिएको बैठक स्थगित गरिएको प्रदेशसभा सचिवालयले जनाएको छ ।
सोमवारको बैठकमा उपसभामुखको चयन गर्ने कार्यतालिका रहेको थियो । सचिवालय जारी गरेको सूचनामा प्रदेशसभा नियमावली, २०७९ को नियम ६ को उपनियम (३) बमोजिम माघ ३ गते मंगलबार दिनको १ बजे बस्ने गरी स्थगित भएको उल्लेख गरिएको छ ।
