नेपालगञ्ज : मोटरसाइकल दुर्घटना हुँदा दाङमा दुई जनाको मृत्यु भएको छ ।
जिल्ला प्रहरी कार्यालय दाङका अनुसार आइतवार राती पौने २ बजे घोराहीको सौडियारबाट सर्रातर्फ जादै गरेको रा ५प ९५१४ नम्बरको मोटरसाइकल घोराही १६ बेसाइमा अनियंत्रित भएर दुर्घटना हुँदा मोटरसाइकलमा सवार घोराही १६ लेटार बस्ने २१ वर्षीय सुशील चौधरी र सोही ठाउँका १८ वर्षीय विवेक चौधरी गम्भीर घाइते भएका थिए ।
गम्भीर घाइते भएर उपचारका लागि राप्ती स्वास्थ्य विज्ञान प्रतिष्ठान घोराहीमा लगिएपनी उनीहरु दुबै जनाको उपचारका क्रममा मृत्यु भएको दाङ प्रहरीले जनाएको छ ।
