नेपालगञ्ज : नेपाल राष्ट्र बैंकको अव्यहारिक नीतिविरुद्ध नेपालगञ्ज उद्योग बाणिज्य संघले गर्दै आएको आन्दोलनलाई अझ सशक्त बनाउने भएको छ ।
पहिलो चरणको आन्दोलन सम्पन्न गरिसकेको संघले दोस्रो चरणको आन्दोलन थालेको छ । व्यवसायीका तमाम समस्या तथा निजी क्षेत्र धराशायी हुँदा पनि राष्ट्र बैंक मुकदर्शक बनेको भन्दै संघले रोष प्रकट गरेको छ ।
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
संघका अध्यक्ष अब्दुल वाहिद मन्सुरी र महासचिव चिरञ्जीवी ओलीले शुक्रवार संयुक्त प्रेस विज्ञप्ती जारी गर्दै पुष ११ गते सोमबार राष्ट्र बैंक नेपालगञ्ज कार्यालय अगाडी धर्ना दिने कार्यक्रम रहेको जानकारी दिएका छन् ।
दोस्रो चरणको आन्दोलन अन्तर्गत हातमा कालो पट्टीसहित वृहत प्रदर्शन, संघको प्रांगणबाट बजार परिक्रमा गर्दै राष्ट्र बैंक अगाडि धर्ना दिइने जनाइएको छ । विहान १० बजे संघको प्रांगणमा उपस्थित हुन संघले सम्पूर्ण उद्योगी, व्यवसायीहरुलाई आह्वान गरेको छ ।