नेपालगञ्ज : बाँकेको कोहलपुरमा पिकअप भ्यानको ठक्करबाट एक महिलाको ज्यान गएको छ ।
नेपालगञ्जबाट कोहलपुरतर्फ जाँदै गरेको बा १ ञ २४३८ नम्बरको पिकअप भ्यानले ठक्कर दिँदा कोहलपुर नगरपालिका–११ की उषा गुरुङको शनिवार घटनास्थलमै मृत्यु भएको इलाका प्रहरी कार्यालय कोहलपुरले जनाएको छ ।
ठक्कर दिएर भागेको भ्यानलाई रातीनै प्रहरीले नियन्त्रणमा लिएको जनाएको छ । ठक्कर दिने भ्यान नेपाल विद्युत् प्राधिकरण कोहलपुरको रहेको इलाका प्रहरी कार्यालय कोहलपुरका प्रमुख प्रहरी नायब उपरीक्षक ऐनबहादुर मल्लले जानकारी दिए ।
