राप्तीसोनारी (बाँके) : प्रतिनिधि सभा सदस्य पदमा निर्वाचित भैइसकेपछि नेकपा एमाले बाट निर्वाचित भएका सुर्य ढकाल स्थानीय मतदातालाई धन्यवाद ज्ञापन गर्न राप्तिसोनारी हुँदै नरैनापुर सुईया बगौडा सम्म पुगेका छन् ।
ढकाल नरैनापुर पुगेपछि स्थानिय युवा जनता र मतदाता निकै उत्साहित हुँदै पालिकाका छ वटै वडाक फुलमाला अबिर लगाई स्वागत गरेर बिजय जुलुस निकालेका थिए ।
हाम्रो समस्या बुझ्ने नेता पाएको मा हामी निकै खुसी छौ भन्दै ढकाललाई नरैनापुरका मतदाताले समग्र बिकासमा आफ्नो तनमन लगाउन आग्रह समेत गरेका छन् । निर्वाचन जितेर पहिलो पटक नरैनापुर पुगेका ढकालले आफ्नो कार्यकाल भित्र आफुले गरेका प्रतिबद्धता पूरा गर्ने बताएका छन् ।
