नेपालगञ्ज : नेपाल कम्युनिष्ट पार्टी (बहुमत)का पोलिट ब्यूरो सदस्य हेमन्त प्रकाश वली सुदर्शनले संसदीय व्यवस्था खारेज हुनु पर्ने बताएका छन् ।
नेपालगञ्जमा आइतवार आयोजित पत्रकार भेटघाटमा उनले संसदीय व्यवस्था खारेज नभएसम्म मुलुकको आमूल परिवर्तन सम्भव नभएको बताए । उनले वैज्ञानिक समाजवादी गणतन्त्र नेपालको स्थापनाले मात्रै मुलुकको विद्यमान गतिरोध अन्त्य गर्ने दावी गरे ।
उनले क्रान्तिकारी शक्तिहरु एक हुनुको विकल्प नभएको बताए । कम्युनिष्ट विचारधार बोकेका शक्तिहरु एक भएर मुलुकको परिवर्तन जरुरी रहेको औल्याउँदै उनले मोहन बैद्य किरणसँग एकिकरणको तयारी भइरहेको जानकारी दिए ।
