नेपालगञ्ज : प्युठानको स्वर्गद्वारी नगरपालिका वडा नं. ४ भ्यागुतेमा शनिवार दिउँसो जीप दुर्घटना हुँदा एक महिलाको मृत्यु भएको छ ।
स्वर्गद्वारीबाट भिङ्ग्री तर्फ आउँदै गरेको लु ३ च ३५३ नम्वरको जीप दुर्घटना हुँदा रुपन्देही निवासी मायादेवी ठाकुरको घटनास्थलमै मृत्यु भएको ईलाका प्रहरी कार्यालय भिङ्ग्रीले जनाएको छ ।
प्रहरीका अनुसार दुर्घटनामा १४ जना घाईते भएका छन् । त्यसमध्ये ९ जनाको अबस्था गम्भीर छ । स्वर्गद्वारी मन्दिर दर्शन गरेर फर्कने क्रममा जीप दुर्घटनामा परेको हो । जीपमा १७ जना सवार थिए ।
