बर्दिया : नाबालिकालाई जबरजस्ती बलात्कार गरी फरार रहेका एक जना पक्राउ परेका छन् ।
बर्दिया जिल्लाको गुलरिया नगरपालिका वडा नं. १२ वस्ने वर्ष अन्दाजी ४० को श्रीराम चमार पक्राउ परेका हुन् । ६ वर्षीया नाबालिकालार्ई जबरजस्ती बलात्कार गरेको चमारमाथि आरोप छ ।
प्रहरीका अनुसार, उनले गत चैत्र १५ गते ६ वर्षकी नाबालिकालाई घरमा कोही नभएको मौकाछोपी जबरजस्ती बलात्कार गरेका थिए । उक्त सुचना प्राप्त हुन साथ पक्राउ गर्न प्रहरी खटिएकोमा उनी फरार भएका थिए ।
उनलाई खोजतलास गर्दै जाने क्रममा लुकिछिपी बसेको अवस्थामा घटनास्थलबाटै पक्राउ गरिएको जिल्ला प्रहरी कार्यालय बर्दियाले जनाएको छ ।
बर्दिया जिल्ला अदालतबाट जबरजस्ती करणी मुद्दामा म्याद थप गरी आवश्यक अनुसन्धान भईरहेको प्रहरीले जनाएको छ ।
