नेपालगञ्ज : नेपालगञ्ज भन्सार कार्यालयले लक्ष्य भन्दा कम राजश्व संकलन गरेको छ । आर्थिक बर्ष २०७८/ ७९ मा नेपालगञ्ज भन्सारले लक्ष्य भन्दा बढी राजश्व उठाएको हो ।
१० महिनामा संकलित राजश्वको तथ्याङ हेर्दा साउन र असोज महिनाबाहेक अरु ८ महिनामा लक्ष्य भन्दा कम राजश्व संकलन भएको देखिएको छ । साउनमा १ अर्व ५३ करोड ४४ लाख २९ हजार लक्ष्य लिएकोमा २ अर्व १७ करोड ३८ लाख ६९ हजार राजश्व संकलन भएको छ । यो प्रगति प्रतिशत १३१.४८ हो ।
यस्तै असोज महिनामा २ अर्व ११ करोड २७ लाख लक्ष्य राजश्व संकलन गर्ने लक्ष्य लिएकोमा २ अर्व ३७ करोडबढी संकलन भएको छ । यो प्रगति प्रतिशत १०१.३० हो । तर भदौ, कार्तिक, पुष, माघ, फागुन, चैत र बैशाख महिनामा भने लक्ष्य भन्दा निकै कम राजश्व उठेको हो ।
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
जस्का कारण नेपालगञ्ज भन्सार कार्यालयलाई लक्ष्य हासिल गर्न चुनौति देखिएको छ । नेपालगञ्ज भन्सार कार्यालयले चालू आर्थिक वर्षमा २५ अर्व २१ करोड ६ लाख ६६ हजार राजश्व संकलन गर्ने लक्ष्य लिएको छ । खाद्यन्न, कच्चा पदार्थ, पेट्रोलियम पदार्थ लगायतका समानहरु नेपालगञ्ज भन्सार कार्यालयबाट बढी आयात हुने गर्दछ । जसबाट बढी राजस्व संकलन हुने गरेको छ ।
६५ किलोमिटर खुला सिमाना भएकाले बाँकेमा राजस्व चुहावट पनि हुने गर्दछ । जसलाई रोकथाम गर्नका लागि नेपालगञ्ज भन्सार कार्यालय, शसस्त्र प्रहरी, जिल्ला प्रशासन लगायतका सरोकारवाला निकायले संयुक्तरुपमा नियान्त्रणका लागि प्रयास गर्दै आएका छन् ।
नेपालगञ्ज भन्सार कार्यालयमा चिनी, लत्ताकपडा खद्यान्न पशुपंक्षी तरकारी लगायतका समानहरु चोरी निकासीबाट बढी पक्राउ पर्ने गरेको नेपालगञ्ज भन्सार कार्यालयले जनाएको छ ।