नेपालगन्ज : राष्ट्रिय प्रजातन्त्र पार्टी राप्रपाले आज प्रतिबद्धता–पत्र सार्वजनिक गरेको छ । सुशासन र भ्रष्टाचाररहित स्थानीय सरकारको परिकल्पना गर्दै राप्रपाले आफ्नो प्रतिबद्धता–पत्र सार्वजनिक गरेको छ ।
प्रतिबद्धता–पत्रमा सुशासन, शिक्षा, स्वास्थ्य, कृषि, पर्यटन, भौतिक पूर्वाधार, सञ्चार, रोजगार, कर प्रणाली, खानेपानी तथा सरसफाई, स्थानीय कला, सँस्कृति, धर्म, गरिवी निवारण, सामाजिक सुरक्षा र युवा तथा खेलकुद जस्ता बिषयहरुमा बिषयगत रुपमा काम गर्ने योजना सार्वजनिक गरिएको छ । राप्रपाका तर्फबाट नेपालगञ्ज उपमहानगरपालिकाका मेयरका उममेदवार नन्दलाल बैश्य चुनावी प्रतिस्पर्धामा छन् ।
प्रतिबद्धता–पत्र सावजनिक गर्दै बैश्यले भने आफ्नो जीत सुनिश्चित भएको बताए । माओवादी केन्द्रले बहुसख्यक नेता कार्यकर्ताको भावना र मर्म विपरित काम गरेका कारण आफूले राप्रपा रोजेको भन्दै चुनावमा आफूलाई दुवै पक्षको साथ र सहयोग समेत रहने बताए ।
केही माओवादीका साथीहरुले र राप्रपाको साथीहरुको सहयोगले आफ्नो जित सुनिश्चित भएको दाबी समेत गरे । वैश्य अहिले रातदिन कार्यकर्ता र नेताहरुसँग छलफल गर्दै दैनिकी बितेको बताए ।
वैश्य लामो समयदेखि नेपालगञ्जमा सामाजिक तथा व्यवसायिक क्षेत्रमा सक्रिय छन् ।
