दाङ : घोराही उपमहानगरपालिका–१८ मुसलवान डाँडाबाट ४ सय ८० मिलिग्राम ब्राउन सुगर जस्तो देखिने खैरो धुलो पदार्थ सहित सोही उपमहानगरपालिका–१३ बस्ने २९ वर्षीय दिपक वलीलाई शनिबार राति प्रहरीले पक्राउ गरेको छ ।
मुसलवान डाँडामा लागूऔषध ब्राउन सुगर बेच विखन गरिरहेको भन्ने विशेष सूचनाको आधारमा वडा प्रहरी कार्यालय घोराहीबाट खटिएको प्रहरीले उक्त परिमाणको लागूऔषध सहित उनलाई पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको छ ।
