नेपालगञ्ज : नेपालगञ्ज नाकाबाट सामान आयातमा गिरावट आएको छ । सामान आयातमा गिरावट आएपछि नेपालगञ्ज भन्सार कार्यालयको राजस्व संकलनमा समेत कमी आएको छ ।
चालू आर्थिक बर्षको सात महिनामा ६ अर्व ६६ अर्व ८७ लाख २० हजार रुपैँया घाटा भएको नेपालगञ्ज भन्सार कार्यालयका प्रमुख भन्सार अधिकृत अर्जुन न्यौपानेले बताए । ‘एलसी मार्फत आयात हुँदै आएको सामानको संख्या सरकारले घटाएपछि गत आवको तुलनामा करिव सात अर्व रुपैँया कम राजस्व संकलन भएको छ,’ उनले भने ।
नेपालगञ्ज भन्सारको राजस्व गत पुस महिनादेखि घटेको छ । राजस्व घट्दा सरकारले दिएको लक्ष्य पूरा गर्न नसकेको उनले बताए । ‘एलसी मार्फत चिनी, कपडा लगायतका सामान आयात हुन्थ्यो, त्यो पनि बन्द भएको छ,’ उनले भने ।
उनले एलसीमार्फत ४६ प्रकारका बस्तु आयात गर्न नपाइने सरकारले नीति ल्याएको बताए । एलसी खोलेर धेरै आयात हुँदै आएको बस्तु समेत आयात नभएपछि राजस्व घट्यो ।’ उनले भने, ‘पेट्रोलियम पदार्थ आयात पनि घटाउने भन्ने छ, त्यो भयो भने राजस्व झनै कम हुन्छ ।
नेपालगञ्ज भन्सारको राजस्व अहिले पेट्रोलियम पदार्थले धानेको उनले बताए ।
