नेपालगञ्ज : कैलालीमा एक बालिका बलात्कृत भएकी छन् । प्रहरीका अनुसार जिल्लाको चुरे गाउँपालिकाकी ११ वर्षीया बालिकामाथि बलात्कार भएको हो ।
बालिका बलात्कारको आरोपमा ६० वर्षीय तिलक शाहलाई पक्राउ गरिएको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक वेदप्रकाश जोशीले बताए ।
शनिबार जंगल गोठालो गएका बेला शाहले बालिकामाथि करणी गरेको उजुरी परेपछि पक्राउ गरिएको प्रवक्ता जोशीले बताए । उनलाई इलाका प्रहरी कार्यालय मालाखेतीको हिरासतमा राखेर अनुसन्धान भइरहेको बताइएको छ ।
