नेपालगञ्ज : बाँकेको राप्तीसोनारीमा स्कारपिओको ठक्करबाट एक जनाको मृत्यु भएको छ ।
मृत्यु हुनेमा बर्दियाको बाँसगढी नगरपालिका वडा नं.४ घर भएका २८ वर्षीय प्रहरी जवान हिरालाल थारु रहेका छन् । उनी इलाका प्रहरी कार्यालय हाकुरे दरबन्दी भई अस्थाई प्रहरी पोष्ट बनगाई दाङमा कार्यरत थिए ।
पुर्व पश्चिम राजमार्ग अन्तर्गत राप्तीसोनारी–२ जीरो स्थित मंगलबार बेलुकी ७ बजे लु१च८११९ नम्बरको स्कारपिओले बाँसगढीदेखि दाङ जाँदै गरेका प्रहरी जवान हिरालाल सवार भे५प७१५५ नम्बरको मोटरसाइललाई ठक्कर दिएको थियो ।
ठक्करबाट गम्भीर घाइते भएका उनको उपचारका क्रममा नेपालगञ्ज मेडिकल कलेज कोहलपुरमा मृत्यु भएको इलाका प्रहरी कार्यालय कोहलपुरका डिएसपी रबिन्द्र खनालले जानकारी दिए ।
ठक्कर दिने जिप सहित चालकलाई अगैया प्रहरीले नियन्त्रणमा लिएको डिएसपी खनालले बताए ।
