नेपालगञ्ज : बाँकेमा तीन किलो चरेशसहित तीन जना पक्राउ परेका छन् । चरेश बोकेर भारततर्फ गइरहेको बेलामा जमुनाहा नाकाबाट इलाका प्रहरी कार्यालय जमुनाहा र लागु औषधी नियन्त्रण ब्यूरोको टोलीले उनीहरुलाई पक्राउ गरेको हो ।
सुर्खेत सिमताका वीरेन्द्र हमाल र दिपा बुढा, जाजरकोटका खिमा खत्रीलाई पक्राउ गरेको प्रहरीले जनाएको छ । दुई महिलाले बोकेको झोलामा कालो प्लाष्टिकले बेरेर चरेश राखिएको थियो ।
कर्णाली प्रदेशका विभिन्न जिल्लामा उत्पादन हुने चरेश नेपालगञ्ज हुँदै भारत लैजाने गरिन्छ । पक्राउ परेकामाथि जिल्ला प्रहरी कार्यालयमा राखेर अनुसन्धान शुरु गरिएको प्रहरीले जनाएको छ ।
