नेपालगञ्ज : नेकपा एमालेका अध्यक्ष एवम् पूर्वप्रधानमन्त्री केपी शर्मा ओलीले आउँदो चुनावपछि आफ्नो पार्टीको नेतृत्वमा सरकार बन्ने दाबी गरेका छन् ।
चितवनमा एमालेको १० औँ राष्ट्रिय महाधिवेशनको उदघाटन समारोहलाई सम्बोधन गर्दै उनले अब लगतै तीन तहको चुनाव आउने र ती चुनावमा एमालेले बहुमत ल्याउने दाबी गरे । साथै उनले अहिले बाँकी रहेका विकासका काम अगाडि बढाएर समृद्ध नेपाल सुखी नेपालीको लक्ष्य पूरा गर्नेसमेत बताए ।
सम्बोधनकै क्रममा उनले नेकपा एमालेको सरकारले विभिन्न लोकप्रिय कार्यक्रम ल्याएको बताउँदै आफ्नो पार्टी देश बनाउने पार्टी भएको उल्लेख गरे ।
संविधानको गलत व्याख्यालाई जनादेशबाट सच्याएर अघि बढ्नका लागि पनि एमालेले बहुमत ल्याउनुपर्ने अध्यक्ष ओलीको भनाइ थियो । महाधिवेशनमा प्रधानमन्त्री देउवासहित विभिन्न पार्टीका नेताहरुले सम्बोधन गरेका थिए ।
