योजनाका काम छिटो सक्न मेयर राणाको निर्देशन

सदरलाइन संवाददाता ७ कार्तिक २०७८, आईतवार १८:५४
 


नेपालगञ्ज  : नेपालगञ्ज उप–महानगरपालिकाका प्रमुख डा. धवल शम्शेर राणाले चालु आर्थिक वर्ष २०७८/०७९ का योजनाको काम छिटो भन्दा छिटो पुरा गर्न मातहतका प्राविधिक तथा कर्मचारीलाई निर्देशन दिएका छन् ।

आईतबार उप–महानगरपालिका अन्तर्गतका विषयगत शाखा प्रमुखहरुको संयुक्त बैठकमा नगर प्रमुख राणा र उपप्रमुख उमा थापा मगरले सम्पूर्ण आयोजनाहरुको काम छिटो भन्दा छिटो गुणस्तर युक्तरुपमा सम्पन्न गर्न अहिलेदेखि नै जुट्न निर्देशन दिएका हुन ।

नगर प्रमुख राणाले समयभित्रै काम सम्पन्न नगर्ने र निर्माण कार्यमा सन्तोषजनक प्रगति गर्न नसक्ने निर्माण कम्पनीलाई नियमानुसार कारवाहीको प्रक्रिया तत्काल सुरु गर्न निर्देशन दिएका छन् ।

राणाले नगरभित्र सञ्चालित सम्पूर्ण आयोजनाहरुको कार्य प्रगति बारे जानकारी लिदै अधुरा आयोजनाहरु पनि छिटो भन्दा छिटो सम्पन्न हुने वातावरण बनाउन आग्रह गर्दै आयोजनाहरुको लागत स्टिमेट, बोलपत्र आव्हान लगायतका बाँकी रहेका कामहरु पनि छिटो भन्दा छिटो सम्पन्न गरी छिटो काम सञ्चालन गर्न पर्नेमा जोड दिए ।

सो अवसरमा नगर उपप्रमुख उमा थापा मगरले नगरभित्र महत्वपूर्ण कामहरु सञ्चालन भईरहेको भन्दै निर्माण कार्यमा कुनैपनि खालको समस्या हुन नदिने गरी काम समयभित्रै हुने वातबरण बनाउन कर्मचारी तथा प्राविधिकहरुलाई निर्देशन दिईन ।

Leave a Reply

Your email address will not be published. Required fields are marked *

Next Post

म सभापतिको एक्लो उम्मेदवार हुँ : रामचन्द्र पौडेल

७ कार्तिक २०७८, आईतवार १८:५४
नेपालगञ्ज : नेपाली कांग्रेसका वरिष्ठ नेता रामचन्द्र पौडेलले आसन्न पार्टीको १४ औं महाधिवेशनमा आफु सभापतिको स्वभाविक उम्मेदवार हुने बताएका छन् । नेपाल प्रेस युनियन बाँकेले सोमबार बिहान नेपालगञ्जमा गरेको पत्रकार भेटघाटमा उनले आफ्नो टिमबाट अन्य नेताले पनि आकांक्षा राखेको भएपनि अन्तिममा एउटै उम्मेदवारको टुंगो लगाइने स्पष्ट पारे । आफु १३ […]

सम्बन्धित