नेपालगञ्ज : बडा दशैंको दोस्रो दिन शुक्रवार देशभरका शक्तिपीठ तथा दशैं घरहरुमा ब्रह्मचारिणी देवीको पूजा गरिँदै छ । शक्तिपीठहरुमा विहानैदेखि दर्शनार्थीहरुको भीड लागेको छ ।
आश्विन शुक्ल प्रतिपदादेखि शुरु भएको दशैं पूर्णिमासम्म परम्पराअनुसार दुर्गा भवानीको पूजा आरधाना गरी हर्षोल्लासका साथ मनाउने गरिन्छ । दशैंको पहिलो दिन बिहीवार घटस्थापनामा शैलपुत्री देवीको पूजापाठ गरिएको थियो ।
शुक्रवार पनि नेपालगञ्जस्थित बागेश्वरी मन्दिरमा दर्शनार्थीहरुको विहानैदेखि भिड लागेको छ । यस्तै दाङको अम्बिकेश्वरी, डोटीको शैलेश्वरी लगायतका मन्दिरहरु पनि पूजा गर्नेहरुको भीड लाग्ने गर्दछ ।
