नेपालगञ्ज : कोरोना भाइरस संक्रमणबाट भेरी अस्पतालमा थप एकजनाको मृत्यु भएको छ । उपचारका क्रममा ठाकुरबाबा नगरपालिका–८ बर्दियाकी ४६ वर्षीया महिलाको मृत्यु भएको जिल्ला कोभिड व्यवस्थापन केन्द्रका फोकलपर्सन तेज वलीले जानकारी दिए ।
भदौ २२ गते कोरोना पुष्टि भएकी उनी त्यसैदिन भेरी अस्पतालको आइसोलेसन वार्डमा भर्ना भएकी थिइन् । उनको उपचारका क्रममा आज विहान ८ बजे मृत्यु भएको हो । योसँगै उपचारका क्रममा बाँकेमा आएका बाहिरी जिल्लाका ४ सय ९ जनाको मृत्यु भएको छ ।
