नेपालगञ्ज : बुधबार बिहानै बाँके बर्दियाको सिमा क्षेत्रमा रहेको मान नदीले बगाउदा बेपत्ता भएका बाँकेको खजुरा गाउपालिका–७ का ५५ वर्षिय विक्रम राईको विहिवार दिउँसो १२ : २५ बजे शब फेला परेको छ ।
डुबेको स्थानबाट २० मिटर उत्तर तर्फ पानिमा डुबेको अवस्थामा उनको शब फेला परेको बाँके प्रहरीले जानकारी दिएको छ । प्रहरीका अनुसार बुधबार बिहान नजिकैको जंगलबाट दाउरा ल्याउने क्रममा १० बजे उनलाई मान नदीले बगाएको थियो ।
तर, बुधबार नै राप्ति नदिमा बगेर बेपत्ता भएका नेपालगञ्ज–१० भृकुटी नगरका सरोज चन्दको अवस्था भने अंझै अज्ञात रहेको प्रहरीले जानकारी दिएको छ । चन्द आफन्तको अस्तु बगाउन राप्ति नदिमा गएको बेलामा राप्ती नदीको सिद्धनियाँ घाटको राप्तीपुल नजिकै नदिमा डुबेर बेपत्ता भएका थिए ।
चन्द बुधबार बिहान साढे ११ बजे नदीमा डुबेका थिए । उनको खोजी भई रहेको जानकारी दिंदै नदीमा धमिलो पानी हुनुको साथै पानीको बहाव पनि तेज भएको कारण खोजीमा समस्या भएको बाँके प्रहरीले जनाएको छ ।
सशस्त्र प्रहरीको तालिम प्राप्त गोताखोरले समेत खोजि गर्दा समेत चन्दलाई फेला पार्न नसकेको प्रहरीले जानकारी दिएको छ ।
