नेपालगञ्ज : राष्ट्रसेवक निजामती कर्मचारीहरूको महत्वपूर्ण पर्व निजामती सेवा दिवस–२०७८ बाँकेमा विविध कार्यक्रमका साथ मनाईन सुरु गरिएको छ ।
कर्मचारी मिलन केन्द्र बाँकेको आयोजनामा पहिलो दिन व्याटमिन्टन प्रतियोगिताबाट सुरु गरिएको हो । नेपालगञ्ज रंगशालामा सुरु गरिएको सो प्रतियोगितामा विभिन्न ३६ वटा टिमले सहभागिता जनाएको बाँकेका सहायक प्रमुख जिल्ला अधिकारी शंकरबहादुर विष्टले जानकारी दिए ।
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
‘व्यवसायिक र श्रृजनशील प्रशासन ः विकास, समृद्धि र सुशासन’ भन्ने मुल नाराका साथ निजामती सेवा दिवस मनाउने क्रममा निजामति कर्मचारीहरु बीचमा निबन्ध प्रतियोगिता सम्पन्न भई सकेको छ भने बृहद बृक्षा रोपण कार्यक्रम र रक्तदान क्रमश शनिबार र मंगलबार आयोजना गरिने भएको छ । निजामती सेवा दिवस भदौ २२ गते रहेको छ ।
निजामति सेवा दिवसको अवसर पारेर शनिबार राष्ट्र सेवक कर्मचारी बृक्षा रोपण कार्यक्रम जिल्ला समन्वय समितिका संयोजक समेत रहेका बाँकेका प्रमुख जिल्ला अधिकारी शिवराम गेलालको अगुवाई पशुपति सामुदायिक बन राँझामा गरिने तयारी गरिएको छ ।
यसैगरी सा सबै स्थानीय तहमा प्रमुख प्रशाशकिय अधिकृतको संयोजकत्वमा राष्ट्र सेवक कर्मचारी बृक्षा रोपण कार्यक्रम हुने भएको छ । साथै निजमति कर्मचारीको अगुवाईमा जिल्ला भरी बृहद वृक्षा रोपण अभियान नै सञ्चालन गरिने तयारी भएको सहायक प्रमुख जिल्ला अधिकारी विष्टले जानकारी दिए ।