नेपालगञ्ज : बाँकेमा बिहीवार थप दुई जना कोरोना संक्रमितको मृत्यु भएको छ । दाङ र सल्यानका दुईजना महिलाको उपचारका क्रममा भेरी अस्प्तालमा मृत्यु भएको हो ।
योसँगै बाँकेमा उपचारका लागि आएका बाहिरी जिल्लाका मृत्यु हुनेको संख्या चारसय पुगेको जिल्ला कोभिड व्यवस्थापन केन्द्रका फोकलपर्सन तेज वलीले जानकारी दिए ।
त्रिवेणी गाउँपालिका–६ सल्यानकी ६६ वर्षीया महिलाको गएराती मृत्यु भएको हो । उनी भदौ ६ गते भेरी अस्पतालमा भर्ना भएका थिइन् । उनलाई साउन ३२ गते कोभिड पुष्टि भएको थियो ।
यस्तै गढवा गाउँपालिका–६ दाङकी ९५ वर्षीया महिलाको बिहीवार विहान मृत्यु भएको छ । यही १२ गते अस्पताल भर्ना भएकी उनलाई त्यसको भोलिपल्ट कोभिड पुष्टि भएको थियो ।
