नेपालगञ्ज : कोरोना भाइरस संक्रमणबाट बाँकेमा थप तीन जनाको मृत्यु भएको छ । नेपालगञ्जस्थित भेरी अस्पतालमा उपचारका क्रममा दुईजना पुरुष र एकजना महिलाको मृत्यु भएको हो ।
जिल्ला कोभिड व्यवस्थापन समितिका फोकलपर्सन तेज ओलीका अनुसार संक्रमणका कारण लुङग्री गाउँपालिका ६ रोल्पाका ५८ वर्षीय पुरुष, तुलसीपुर उपमहानगरपालिका १५ दाङका ४५ वर्षीय पुरुष र भेरीगंगा नगरपालिका १० सुर्खैतका ३९ वर्षीय महिलाको मृत्यु भएको हो ।
रोल्पाका पुरुषलाई असार २९ गते कोभिड पुष्टि भएको थियो । अस्पतालमा उपचारका लागि असार २८ गते नै भर्ना भएका उनको शनिवार राती २ बजे मृत्यु भएको हो ।
