नेपालगञ्ज : बाँकेमा कोरोना संक्रमणका कारण थप एक जनाको मृत्यु भएको छ ।
भेरी अस्पताल नेपालगञ्जमा उपचाररत गेरुवा गाउँपालिका वडा नम्बर ५ बर्दियाका ७० बर्षीय पुरुषको मृत्यु भएको जिल्ला कोभिड व्यवस्थापन केन्द्र बाँकेका फोकल पर्सन तेज वलीले बताए । साउन ९ गते पिसिआर परीक्षण गराएका उनी ११ गते भेरी अस्पताल भर्ना भएका थिए । उनको बुधबार साँझ ७ बजे मृत्यु भएको हो ।
योसंगै कोरोनाबाट हालसम्म बाँकेका ३२२ र बाँकेमा उपचाररत बाहिरी जिल्लाका ३ सय ८१ जनाको मृत्यु भएको छ ।
