नेपालगञ्ज : बाँके जिल्लामा सम्भावित कोभिड–१९ को तेस्रो लहरको जोखिम, पोष्ट कोभिडको प्रभाव र व्यवस्थापन सम्बन्धमा अध्ययन गर्न गठित समितिले आफ्नो प्रतिवेदन आज जिल्ला कोभिड–१९ व्यवस्थापन केन्द्रलाई बुझाएको छ ।
केन्द्रका संयोजक समेत रहनुभएका बाँकेका प्रमुख जिल्ला अधिकारी शिवराम गेलाललाई समितिका संयोजक डा विनोद खेतानले ४२ पुष्ठ लामो प्रतिवेदन बुझाएका हुन् । प्रतिवेदनमा कोभिड रोकथाम, नियन्त्रण र उपचार व्यवस्थापनका सवालमा सुझाव दिइएको छ ।
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
तेस्रो लहरको पूर्वतयारीका लागि गुणस्तरी उपचार, अक्सिजनको प्रयाप्त व्यवस्थापन, उपकरणको व्यवस्थापन, बालबालिकाका लागि २० प्रतिशत शैया व्यवस्थापन गर्न सुझाव दिइएको समितिका सदस्य बसन्त गौतमले जानकारी दिए ।
यस्तै पीसीआरको दायरा बढाउनु पर्ने, सीमा नाकामा चेकजाँचलाई कडाइ गरिनु पर्ने, स्वास्थ्य मापदण्डको पूर्णपालना गरिनु पर्ने लगायतका बिषयलाई पनि प्रतिवेदनमा समेटिएको छ ।