नेपालगञ्ज : नेपाल शिक्षक महासंघ नगर समितिको अगुवाई जसमा विभिन्न १३ वटा शिक्षक संगठनहरु आबद्ध रहेको संयुक्त आयोजनामा नेपालगञ्ज उपमहानगरपालिका लगायत देशभरी रिले अनसन शुक्रवार शुरु गरेको छ । नेपालगञ्ज उपमहानगरपालिका प्राङणमा नेपाल शिक्षक महासंघद्वारा रिले अनसन शुरु गरेको हो ।
विगतमा नेपाल सरकार र नेपाल शिक्षक महासंघसँग गरिएका मागहरु कार्यान्वन गर्नका लागि रिले अनसन शुरु गरिएको नेपाल शिक्षक संघ बाँकेका अध्यक्ष बिरेन्द्र यादवले बताए ।
अध्यक्ष यादवका अनुसार नेपाल सरकार समक्ष राखिएको ३४ बूँदे माग सम्बोधन गर्न शुक्रवार एक दिने देशभर नेपाल शिक्षक महासंघले रिले अनसन शुरु भएको बताए ।
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
नेपाल शिक्षक महासंघका केन्द्रिय सदस्य द्रोड वलीले शिक्षक महासंघसँग गरिएको सम्झौताहरु कार्यान्वन नभएमा आन्दोलनका कार्यक्रमहरु अगामी दिनहरुमा जारी गर्ने समेत चेतावनी दिँदै बिहान ९ बजेदेखि साँझा ४ बजेसम्मका लागि रिले अनसन गरिएको बताए ।
रिले अनसनमा विभिन्न शिक्षक संगठन आबद्ध कृष्णदेवी पाण्डे, बृजेशबहादुर सिंह, आदित्यकुमार बर्मालगायत दुई दर्जन बढीले नेपालगञ्ज उपमहानगरपालिकामा सहभागिता जनाएका छन् ।