बर्दिया : बर्दिया प्रहरीले प्रतिबनिधत लागु औषध ब्रउन सुगर सहित दुई जनालाई नियन्त्रणमा लिएर अनुसंन्धान सुरु गरेको छ । जिल्ला प्रहरी कार्यालय बर्दियाका सूचना अधिकारी तथा प्रहरी नायव उपरिक्षक हेमबहादुर शाहीले दिएको जानकारी अनुसार १ सय ८० मिलि ग्राम ब्राउन सुगर सहित दुई जनालाई नियन्त्रणमा लिएको हो ।
प्रहरी नायव उपरीक्षक शाहीले असार ९ गते बेलुका प्रहरी चौकी लक्ष्मणाबाट खटिएको प्रहरी टोलिले बाँसगढी नगरपालिका वडानं. ७ बड्कीडेउडामा वडानं. ६ दमौली बस्ने बर्ष २३ को सुरज थारु र बर्ष १९ को प्रकाश थारुका साथबाट सो ब्राउन सुगर बरामद गरेको बताए ।
‘प्रहरी गस्ती हिडिरहेको बेलामा थरुद्वय शंकास्पद तरिकाले हिडिरहेको अवस्थामा चेकजाँच गर्दा निजहरुको साथबाट १ सय ८० मिलिग्राम लागु औषध (ब्राउन सुगर) फेला परेकोले निजहरुलाई पक्राउ गरी आवश्यक अनुसन्धान भईरहेको छ’– प्रहरी नायव उपरिक्षक शाहीले भने ।
प्रहरी नियन्त्रणमा रहेका थारुद्वय माथि लागूऔषध वसारपसार बिरुद्धको कसुरमा अनुसन्धान सुरु भएको बर्दिया प्रहरीले जनाएको छ ।
