नेपालगञ्ज : नेपालगञ्जमा मंगलवार कोभिड १९ विरुद्धको भेरोसेल खोपको दोस्रो मात्रा दिइने भएको छ । गएको जेठ २६ गते पहिलो मात्रा लगाएका व्यक्तिहरुलाई दोस्रो मात्रा दिन लागिएको नेपालगञ्ज उपमहानगरपालिका स्वास्थ्य शाखा प्रमुख रामबहादुर चन्दले बताए ।
नगरका २३ वटै वडामा भोली भेरोसेलको दोस्रो मात्रा दिन लागिएको हो । सरकारले बाँकेमा भेरोसेलको पहिलो मात्रा ६२ देखि ६४ वर्षका उमेरसमूहका जेष्ठ नागरिसँगै फ्रन्टलाइनरलाई दिने भनेको थियो ।
तर बाँकेमा भने लक्षित समूहभन्दा बाहिरका व्यक्तिहरुलाई पनि खोप दिएपछि विवाद भएको थियो । खोप लगाउन जाँदा कार्ड भने अनिवार्य गरिएको छ ।
