नेपालगञ्ज : बाँकेमा कोरोना संक्रमणका कारण थप ५ जनाको मृत्यु भएको छ । भेरी अस्पतालमा ४ जना र नेपालगञ्ज मेडिकल कलेज कोहलपुरमा १ जनाको मृत्यु भएको हो । मृत्यु हुनेमा बाँके, बर्दिया, दाङ, सल्यान र बैतडीका १/१ जना छन् ।
जिल्ला कोभिड–१९ संकट व्यवस्थापन केन्द्र बाँकेका फोकल पर्सन तेज वलीका अनुसार भेरी अस्पतालमा उपचाररत पुडचौडी ८ बैतडीका ५४ वर्षीय पुरुष, राजापुर १ बर्दियाकी ४९ वर्षीया महिला, कालिमाटी २ सल्यानका ४६ वर्षीय पुरुष र लमही १ दाङकी ३२ वर्षीया महिलाको मृत्यु भएको छ । नेपालगञ्ज मेडिकल कलेज कोहलपुरमा उपचाररत बैजनाथ ५ बाँकेका ६७ वर्षीय पुरुषको मृत्यु भएको छ ।
योसंगै कोरोनाबाट हालसम्म बाँकेका ३०७ जना र बाँकेमा उपचाररत बाहिरी जिल्लाका ३ सय ३७ जनाको मृत्यु भएको छ ।
