नेपालगञ्ज : रारा मानविय तथा बाताबरणीय स्रोत विकास प्रयास (रेरी) बैजनाथ–१ बाँके र सुशासनको क्षेत्रमा क्रियाशिल बास नेपालले एनटिभि कोहलपुरलाई कोभिड–१९ बिरुद्धको स्वास्थ्य सामाग्री उपलब्ध गराएको छ ।
रेरीले कोभिड–१९ को महामारीबाट जोगिदै जनतालाई सुशुचित गर्ने अभियानमा रहेको एनटिभि कोहलपुरको कार्यालय परिसरलाई सेनिटाईज गर्ने उपकरण र त्यसमा प्रयोग हुने केमिकल उपलब्ध गराएको छ ।
रेरीका अध्यक्ष पुनित बिक्रम शाहले एनटिभि बाँके संवाददाता रुद्र सुवेदीलाई सो सामग्री हस्तान्त्रण गरेका हुन । यो संगै उनले बासले स्थापना गरेको मास्क बैंकलाई मास्क खरिदको लागि ५ हजार र भेरी अस्पताल परिसरमा सञ्चालनमा रहेको अन्जनीमाता रसोईलाई १० हजार सहयोग गरेका छन् ।
भेरी अस्पताल परिसरमा सञ्चालनमा रहेको अन्जनीमाता रसोईले भेरी अस्पतालका विरामी, तीनका कुरुवा र निषेधाज्ञाका कारण खाना खान नपाएकालाई लक्षित गरी २० रुपैयामा खाना उपलब्ध गराउदै आएको छ ।
यसैगरी बास नेपालले स्थापना गरेको मास्क बैंकले एपटिभि कोहलपुरलाई केही मास्क र सेनिटाईजर उपलब्ध गराएको छ । बासका कार्यकारी निर्देशक नमस्कार शाह, हेमराज भट्ट, लुना बुढाथोकी लगायतले सो सामग्री हस्तान्त्रण गरेका थिए ।
