नेपालगञ्ज : भेरी अस्पतालमा संचालित अंजनी माता रसोई श्री सुन्दरकाण्ड मित्र मण्डललाई सहयोगी हातहरुले अमेरिकाबाट सहयोग प्राप्त भएको छ ।
अमेरिकाको भर्जिनियामा बसोबास गर्दै आएका सहयोगी मन भएका जुली वली र प्रदिप जिएमको संयुक्त प्रयासमा आफन्तजन र साथीहरुबाट विरामी र विरामीको आफन्तलाई सस्तो मुल्यमा खाना खुवाइरहेको अन्जनी माता रसोईलाई एक लाख तीस रुपैयाँ सहयोग गरेका हुन् ।
नेपालगञ्ज उपमहानगरपालिकाका उप–प्रमुख उमा थापा मगरको पहलमा सहयोग प्राप्त भएको उक्त रकमलाई समाजसेवी एबम नेपाल तरुण दल बाँकेका सह–सचिब बिमल चन्दले अन्जनी माता रसोईलाई हस्तान्तरण गरेका छन् ।
समाजसेवी चन्दले सात समुन्द्र पारीबाट यो बिपदको बेला आफ्नो देश प्रतिको माया गरेर सहयोग गर्ने सहयोगी दाता, सहयोगको संयोजन गर्ने जुली र प्रदिपलाई धेरै–धेरै धन्यबाद ज्ञापन गरेका छन् ।
