स्वास्थ्य आपतकाल घोषणा गर्न मागगर्दै काँग्रेस बाँकेले बुझायो ज्ञापन

सदरलाइन संवाददाता २८ बैशाख २०७८, मंगलवार १८:०५
 


नेपालगञ्ज : नयाँ भेरियन्टसहित तीव्र रुपमा फैलिरहेको कोरोना महामारी नियन्त्रणका लागि बाँके जिल्लालाई स्वास्थ्य आपतकाल घोषणा गर्न नेपाली कांग्रेस बाँकेले माग गर्दै जिल्ला प्रशासन कार्यालय बाँके मार्फत प्रधानमन्त्रीलाई ज्ञापन पठाएको छ ।

नेपाली कांग्रेस बाँकेका सभापति किरण कोईरालाको नेतृत्वमा उपलब्ध पदाधिकारीसहतिको टोलीले सो माग गर्दै ज्ञापन बुझाएको हो ।

बाँकेमा कोरोना महामारी नियन्त्रण बाहिर जाँदा कोरोना संक्रमित बिरामीहरुले उपचारै नपाएर ज्यान गुमाउनु परिरहेको र अस्पतालले समेत थेग्न नसकिरहेको अवस्थामा सरकारले स्वास्थ्य आपतकाल तत्काल घोषणा गर्नुपर्ने कांग्रेस निस्कर्षसहित ज्ञापन पत्र बुझाईएको सभापति कोईरालाले बताईन ।

उनले बाँकेमा फैलिएको कोरोना महामारीप्रति संघीय सरकार र प्रदेश सरकार गम्भीर नै नभएको आरोप लगाउदै जिल्लाका सबै गाउँपालिका र नगरपालिकामा अक्सिजन, औषधि र दक्ष जनशक्तिसहितको आइसोलेसन स्थापना गर्न अनुरोध गरिन ।

ज्ञापन पत्र बुझ्दै बाँकेका प्रमुख जिल्ला अधिकारी शिबराम गेलालले स्वास्थ्य संकटकाल नेपाल सरकारले घोषणा गर्ने भएको कारण आफुलाई प्राप्त भएको ज्ञापन पत्र तत्काल पठाईदिने र जिल्लामा कोभिड संक्रमण बढ्न नदिनको लागि सक्दो पहल गर्ने बताए ।

सो अवसरमा नेपाली काँग्रेस बाँकेका सचिव तप्त पौडेल, जिल्ला सदस्य मेघराज ओली, सुधान्शु कोईराला, क्षत्र नं. २ का अध्यक्ष रमेश गुप्तालगायतको उपस्थिति रहेको थियो ।

Leave a Reply

Your email address will not be published. Required fields are marked *

Next Post

बिभिन्न संघसंस्थाहरुद्वारा स्वास्थ्य सामग्री उपलब्ध

२८ बैशाख २०७८, मंगलवार १८:०५
नेपालगञ्ज  : बाँकेमा कोरोना संक्रमणको दर तीब्ररुपले बढेपछि कोरोना नियन्त्रणको लागि सहयोगी स्वास्थ्य सामग्रीहरु विभिन्न सहयोगी संघ संस्थाहरुबाट जिल्ला कोभिड संकट व्यवस्थापन केन्द्र बाँकेलाई उपलब्ध हुन थालेका छन । मंगलबार गैसस बाँकेको संयोजनमा बास र नेप्लिज अमेरिकन च्याम्बर अफ कर्मशले ५ लाख ८५ हजार बराबरको पिपिई, मास्क, ग्लोब्स, अक्सिमिटर, हेण्डसेनिटाईजर […]