नरैनापुर (बाँके) : बाँकेको नरैनापुर गाउपालिका वडानं. ४ नरैनापुरमा बिहीबार दिउसो साढे तीनबजे आगलागी हुँदा ३ घर जलेर नष्ट भएको छ ।
नरैनापुर गाउपालिकाबाट घोरदौरिया जाने बाटोमा रहेको स्थानीय नितराम धोबीको घरबाट सल्केको आगोले राम अवतार धोबी र शिवसन्त धोबीको घरपनि जलेर नस्ट भएको हो ।
आगलागिको सूचना पाउने वित्तिकै ईलाका प्रहरी कार्यालय भगवानपुरबाट खटेको प्रहरी, सशस्त्र प्रहरी बेसक्याम्प नरैनापुर, स्थानीय बासिन्दा र दमकलको सहायताले आगो नियन्त्रणमा आएको ईप्रका भगवानपुरका ईन्चार्ज प्रहरी निरिक्षक बसन्त गौतमले जानकारी दिए ।
धोबीको घरमा लागेको आगोले नजिकै खेतमा पाकेर भित्र्याउने तयारीमा रहेको करिव ७ कठ्ठाको गहुँसमेत जलेको छ । नरैनापुरमा फागुन १७ यता ७ स्थानमा आलागिका घटना भएको छन ।
