राप्तीसोनारी (बाँके) : बाँकेको राप्तीसोनारी गाउपालिका–६ मा वडा र पालिकाको सहयोगमा निर्माण हुने अस्थायी प्रहरी पोष्ट फत्तेपुर (ख) मा प्रहरीको लागि पाँच कोठे अत्याधुनिक भवन शिलन्यास गरिएको छ ।
राप्तीसोनारी गाउँपालिकाका अध्यक्ष लाहुराम थारु, वडानं. ६ का वडा अध्यक्ष जनकबहादुर थारु र जिल्ला प्रहरी कार्यालय बाँकेका प्रमुख तथा प्रहरी उपरीक्षक ओमबहादुर रानाले संयुक्त रुपमा राप्तीसोनारी वडानं. ६ को लक्ष्मीराजपुरमा शिलन्यास गरिएको हो ।
ईलाका प्रहरी कार्यालय भगवानपुरको मातहातमा रहेको सो अस्थायी प्रहरी पोष्ट फत्तेपुर (ख)को निर्माणको लागि राप्तीसोनारी गाउपालिका र सोही पालिकाको वडानं.६ को करिव २४ लाख आर्थिक सहयोग रहने ईलाका प्रहरी कार्यालयका ईन्चार्ज प्रहरी निरिक्षक बसन्त गौतमले जानकारी दिए ।
सो भवन शिलन्यास कार्यक्रममा जनप्रतिनिधि, स्थानीय पार्टी प्रतिनिधि, आमासमुह, युवा, विद्यार्थीलगायतको सहभागिता रहेको थियो ।
