नेपालगञ्ज : भेरी अस्पताल नेपालगञ्जमा गरिएको परीक्षणमा थप ४१ जनामा कोरोना संक्रमण पुष्टि भएको छ । अस्पतालले बिहीवार दिउँसो साढे ३ बजे जारी गरेको विवरणअनुसार १२ महिला र २९ पुरुषमा कोरोना पुष्टि भएको हो ।
जसमध्ये १८ जना बाँकेका रहेका छन् भने बाँकी अन्य जिल्लाका रहेको अस्पतालले जनाएको छ । पछिल्लो २४ घण्टामा १ सय ५२ जनाको परीक्षण गर्दा ४१ जनामा संक्रमण देखिएको हो ।
भेरी अस्पतालले हालसम्म ४७ हजार १ सय ८६ नमुना परीक्षण गर्दा ३ हजार ७ सय ९४ जनामा कोरोना संक्रमण पुष्टि भएको भेरी अस्पतालले जारी गरेको विवरणमा उल्लेख छ ।
