नेपालगञ्ज : बाँकेमा थप एक कोरोना संक्रमितको मृत्यु भएको छ । भेरी अस्पतालमा उपचारका क्रममा नेपालगञ्ज १ धम्बोझीका ५० बर्षीय पुरुषको शुक्रवार राती १० बजे मृत्यु भएको हो ।
बागेश्वरी डाइग्नोस्टिक ल्याबमा परीक्षण गर्दा असोज २६ गते कोरोना रिपोर्ट पोजेटिभ आएको थियो । स्वास्थ्य कार्यालय बाँकेका कोरोना फोकल पर्सन नरेश श्रेष्ठका अनुसार मृतकको श्वासप्रस्वासमा समस्या रहेको थियो । योसँगै बाँकेमा कोरोनाबाट ज्यान गुमाउनेको संख्या ३० पुगेको छ ।
