नेपालगञ्ज : नेपालगञ्ज : बाँकेस्थित विभिन्न प्रयोगशालामा गरिएको परीक्षणमा २९ जनामा कोरोना पुष्टि भएको छ ।
भेरी अस्पताल नेपालगञ्ज, मेडिकल कलेज कोहलपुर र वागेश्वरी डाग्नोष्टिक सेन्टरको ल्यावमा गरिएको परीक्षणमा नेपालगञ्जका १९, कोहलपुरका ६, बैजनाथका १ र बर्दियाका ३ जनामा कोरोना पुष्टि भएको हो ।
जिल्ला कोभिड–१९ संकट व्यवस्थापन केन्द्रले बेलुका जारी गरेको तथ्यांकअनुसार १४ महिला र १२ पुरुष गरी जिल्ला भित्रका २६ र जिल्ला बाहिरका ३ जनामा संक्रमण पुष्टि भएको हो । योसँगै बाँकेमा कोरोना भाईरसका कुल संक्रमितको सँख्या १ हजार ९ सय १३ पुगेको छ ।
