नेपालगञ्ज : बाँकेको दुईवटा प्रयोगशालामा गरिएको परीक्षणमा थप ५२ जनामा कोरोना संक्रमण पुष्टि भएको छ । भेरी अस्पतालको परीक्षणमा ४९ र बागेश्वरी डाइग्नोस्टिमा गरिएको परीक्षणमा ३ जना थपिएका हुन् । जसमध्ये बाँकेका १६ जना, बर्दियाका ३२ जना, सुर्खेतका ३ र अर्घाखाँचीका १ जनामा कोरोना पुष्टि भएको हो ।
जसमध्ये जिल्ला प्रहरी कार्यालय बर्दियाका १७ जना प्रहरी कर्मचारी रहेका छन् । पछिल्लो २४ घण्टामा भेरीले गरेको १ सय ५१ जनाका परीक्षण गर्दा ४९ जनामा कोरोना संक्रमण पुष्टि भएको भेरी अस्पतालले जनाएको छ ।
