नेपालगञ्ज : कोरोना संक्रमणका कारण बर्दियाका एकजना क्याम्पस प्रमुखको मृत्यु भएको छ । जिल्ला स्वास्थ्य कार्यालय बाँकेका कोरोना फोकल पर्सन नरेश श्रेष्ठका अनुसार ५० वर्षीय क्याम्पस प्रमुखको शनिवार मृत्यु भएको हो ।
असोज ३ गते संक्रमण पुष्टि भएका क्याम्पस प्रमुख होम आइसोलेशनमा बस्दै आएका थिए । गम्भीर स्वास्थ्य समस्या भएपछि उनलाई भेरी अस्पताल नेपालगञ्जमा भर्ना गरिएको थियो ।
उपचारकै क्रममा उनको दिउँसो मृत्यु भएको श्रेष्ठले जानकारी दिए । योसँगै बाहिरी जिल्लाबाट कोरोनाको उपचार गराउन आउँदा बाँकेमा मृतकको संख्या ६ पुगेको छ ।
