नेपालञ्ज : बाँकेमा मंगलवार २४ जनामा कोरोना संक्रमण पुष्टि भएको छ । भेरी अस्पताल नेपालगञ्जमा गरिएको परीक्षणमा बाँकेका २४ जना संक्रमण पुष्टि भएको हो । यसका साथै बर्दियाका ४ र दाङका ५ जनामा पनि संक्रमण देखिएको भेरी अस्पतालले जनाएको छ ।
पछिल्लो २४ घण्टामा १ हजार ५ सय ८१ वटा नमुना परीक्षण गर्दा ३३ जनामा कोरोना संक्रमण पुष्टि भएको हो । बाँकेका प्रहरी, सञ्चारकर्मी, बैंर्कस र कर्मचारीका साथै भेरी अस्पतालका एकजना बिशेषज्ञ सहित ६ जना स्वास्थ्यकर्मीमा समेत संक्रमण देखिएको हो ।
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
जिल्ला स्वास्थ्य कार्यालय बाँकेका कोरोना फोकल पर्सन नरेश श्रेष्ठका अनुसार, जिल्ला प्रहरी कार्यालयका ९ जना प्रहरीमा पनि भाइरस पुष्टि भएको छ । त्यसैगरी नविल बैंक र माछापुच्छ्रे बैंकका एकएक जना कर्मचारी र आन्तरिक राजश्व कार्यालयका थप एकजना कर्मचारीमा पनि भाइरस देखिएको छ ।