लक्ष्मी तिमिल्सेना/नेपालगञ्ज : मोडल राजेश बिसीको म्युजिक भिडियो सार्बजनिक भएको छ । “मेरो जीवन साथी तिमी” बोल रहेको गीतमा गायक बिपी वाग्ले र गायिका रजिना रिमालको स्वर रहेको छ ।
गीतमा शब्द बरिष्ठ गीतकार डा.भोला रिजालको छ भने पण्डित इन्दु प्रकाश त्रिवेदीको संगीत र संगीत संयोजन सन्दिप कार्की ढलीको रहेको छ । मिसन इन्टरटेनमेन्ट प्रालीको प्रस्तुती रहेको उक्त गीतमा बिवाहपछिको दाम्पत्य जीवन र त्यसमा देखिने उतार चढाव तथा सुख दुःखको कथा समेटिएको छ ।
गीतमा राजेश बिसी बुढाथोकी, प्रसान्त केसी, सबु पौडेल र रन्जु वलिको अभिनय रहेको छ । गीतलाई साहित सिंह ठकुरीले निर्देशन गरेका छन् भने यसको छायाँङ्कन तथा सम्पादन रामु चौधरीले गरेका हुन् ।
