सदरलाइनडटकम,
कोहलपुर (बाँके) : कोरोना संक्रमणका कारण मृत्यु भएकी महिलाको अन्तिम संस्कार गरीएको छ । नेपालगञ्ज मेडिकल कलेज कोहलपुरमा उपचारार्थ भर्ना भएकी कोहलपुर नगरपालिका वडा नं. २ की ७० वर्षीया महिलाको आइतवार दिउँसो ३ बजे मृत्यु भएको थियो ।
बाँकेका प्रमुख जिल्ला अधिकारी रामबहादुर कुरुम्वाङको अन्तिम संस्कार कार्यमा समेत सहभागिता रहेको थियो । नेपालगञ्ज मेडिकल कलेज कोहलपुर उपचारको क्रममा मृत्यु भएकी महिलाको आवश्यक सजगता अपनाएर नेपाली सेनाको भैरवप्रसाद गणको टोलीले सम्मानका साथ अन्तिम संस्कार गरिएको थियो ।
मृतक महिला न्यूमोनियाबाट ग्रस्त गत २३ गते उपचारको लागि भर्र्ना भएको र साही दिन स्वाब संकलन गरी जाँचको लागि पठाईएकोमा कोरोना पुष्टी भएको थियो । उनको मृत्यु पछिमात्रै कोरोना संक्रमित भएको पुष्टि भएको थियोे ।
योसंगै बाँकेमा कोरोना संक्रमणबाट मृत्यु हुनेको संख्या तीन पुगेको छ । यसअघि बाँकेको नरैनापुर गाउँपालिकाका एक पुरुष तथा बैजनाथ गाउँपालिकाकी एक महिलाको मृत्यु भइसकेको छ । फोटो : बाँकेका प्रजिअ रामबहादुर कुरुम्बाङ्गको फेशबुकवालबाट
