सदरलाइनडटकम,
नेपालगञ्ज : बाँके प्रहरीले ज्यान मार्ने उद्योगमा मुद्दा दर्ता भई फरार रहेका दुई अभियुक्तलाई नियन्त्रणमा लिएको छ ।
जिल्ला प्रहरी कार्यालय बाँकेका अनुसार सोनु कसगढ भन्ने सद्दाम शेषको जाहेरीले वादी नेपाल सरकार प्रतिवादी कलिम भाट समेत भएको ज्यान मुद्दामा फरार रहेका खजुरा–७ गुनानाका २९ वर्षिय कलिम भाट र १९ वर्षिय समिर भाटलाई नियन्त्रणमा लिएको हो ।
घटना गत जेठ ९ गते सोही स्थानमा रहेको पिबिसि ईट्टा उद्योग परिसर घटेको थियो । प्रहरीले दुबै जनालाई बिहीबार बिहान साढे १० बजे गुनानाबाट नियन्त्रणमा लिएर म्याद थप गरी अनुसंन्धान सुरु गरेको जनाएको छ ।
