सदरलाइनडटकम,
नरैनापुर (बाँके) : बाँकेको नरैनापुर गाउँपालिकामा निषेधाज्ञा जारी गर्दै नेपाली सेना परिचालन गरिएको छ । आइतवार राती ८ बजेबाट लागु हुने गरी अनिश्चितकालीन निषेधाज्ञा जारी गरिएको हो ।
जिल्ला सुरक्षा समितिको बैठकको निर्णयानुसार सेनानीको कमाण्डमा सैनिक टोली परिचालन गरिएको भैरवनाथ गणका गणपति प्रमुख सेनानी नहकुल थापाले जानकारी दिए । जिल्ला सुरक्षा समितिले नरैनापुरमा विशेषज्ञ चिकित्सकसहित थप स्वास्थ्यकर्मी परिचालन गर्ने निर्णय गरेको छ ।
प्रमुख जिल्ला अधिकारी कुमारबहादुर खड्काका अनुसार कोरोना संक्रमण फैलिन नदिन अर्को सूचना जारी नभएसम्मका लागि निषेधित क्षेत्र कायम गरिएको छ । नरैनापुरमा एकजना मृतक सहित ११४ जनामा कोरोना संक्रमण देखिएको छ ।
पछिल्लो समय कोरोना संक्रमितलाई आईसोलेशनमा लैजाने क्रममा अवरोध हुने र भगाउने कार्य हुन थालेपछि सेना परिचालन गरिएको हो । नरैनापुरमा सुरक्षामा खटिएका एकजना प्रहरी जवानमा समेत संक्रमण देखिएको छ ।
नरैनापुरमा निषेधासँगै सेना परिचालन
११ जेष्ठ २०७७, आईतवार १८:३०
